பித்தத்திலிருந்து விடுதலை பெற வேண்டுமா? இதோ எளிய பாட்டி வைத்தியம்

437

இன்றைய காலக்கட்டத்தில் சிறு தலை வலி என்றால் கூட மருந்துகடைகளுக்கு தான் செல்வது வழக்கம்.

ஆனால் அந்தகாலத்தில் வீட்டில் இருக்கும் பொருட்களை கொண்டு தான் இயற்கை முறையில் சகல நோய்க்கு தீர்வு பெற்றனர்.

இதனடிப்படையில் தற்போது பித்தத்தில் இருந்து விடுதலை பெற சில எளிய பாட்டி வைத்திய முறைகள் பற்றி இங்கு பார்ப்போம்.

  • இஞ்சித் துண்டு தேனில் ஊறவைத்து 48 நாட்கள் சாப்பிட்டு வந்தால் பித்தம் தெளிந்து ஆயுள் பெருகும்.
  • பழுத்த மாம்பழத்தை சாறு பிழிந்து அந்தச் சாறை அடுப்பில் லேசாக சூடேற்றி பின் ஆறவைத்து சாப்பிட்டு வந்தால் பித்தம் குறையும்.
  • எலுமிச்சை சாதம் வாரத்தில் மூன்று நாள் காலையில் சாப்பிட்டால் பித்தத்தை தணிக்கும்.
  • ரோஜாப்பூ கஷாயம் பால் சர்க்கரை கூட்டி சாப்பிட்டால் பித்த நீர் மலத்துடன் வெளியேறும்.
  • பொன்னாவரை வேர், சுக்கு, மிளகு, சீரகம் கஷாயம் குடித்தால் பித்தபாண்டு தீரும்.
  • அகத்திக்கீரை சாப்பிட்டு வந்தால் பித்தக் கோளாறுகள் அகலும்.
  • ஆரஞ்சு சாப்பிட்டால் உடல் உஷ்ணத்தை தணிக்கும்.
  • பனங்கிழங்கு சாப்பிட்டால் பித்தம் நீக்கி உடல் பலம் பெருகும்.
  • நத்தைசூரி விதையை வறுத்து பொடித்து காய்ச்சி கற்கண்டு சேர்த்து சாப்பிட்டு வர கல்லடைப்பு தீரும்.
  • அரச மரக் குச்சியை சிறு துண்டுகளாக வெட்டி சட்டியில் போட்டு காய்ச்சி ஆறவைத்து, அந்த நீரில் தேன் கலந்து குடித்தால் ரத்தத்தில் உள்ள பித்தம் குறையும்.